Tienbo aou paré dann tan la fin bann « dèrnié jour »

Kom nou lé dann tan la fin bann « dèrnié jour », i étonn pa nou ke la vi dan se monn i devien plu pir (2 Tim 3:1 ; ti not pou létud nwtsty su Mat 24:8). Kan i ariv ke la natur i sakaj landroi ousa zot i viv, bann sèrviteur Jéova i gingn bann zinstruksion ki sov zot vi, o moman ki fo. Mé, nou va rès vivan dan bann situasion la, surtou par le fason nou prépar anou depui koméla mèm, avèk obéisans, dann domèn spirituèl é dan bann domèn ki sré util pou nou (Luk 16:10).

• Dann domèn spirituèl : Pran bann bon zabitud. Prèch diféran fason. Si pou in tan, ou lé pa avèk sak lé dann out lasanblé, pa bezoin ou afol (Izai 30:15). Jéova é Jézu sra toultan koté ou (od-F 176 § 15-17).

• Dan bann domèn ki sré util pou nou : An plus bann sak survi, chak fami i devré avoir in rézèrv manjé, de lo, médikaman é dot zafèr komsa an kantité rézonab, ankak zot lé oblijé èt konfiné in bon bou d’tan (Prov 22:3 ; g17-F 5 4 6).

GARD LE VIDÉO ÈSKE ZOT LÉ PARÉ ANKAK LA NATUR I SAKAJ TOUT ?, APRÉSA RÉPONN BANN KÉSTION LA :

• 

  Koman, dann domèn spirituèl, nou pe prépar anou ankak la natur i sakaj tout ?

• 

  Poukosa nou doi :

  • transmèt bann zansien bann zinformasion inportan ?

  • prépar in sak survi ?

  • konèt kèl kalité katastrof i pe arivé dann landroi ousa nou abit é kosa i fo fé devan chak situasion ?

• 

  Donn 3 fason pou èd nout bann frèr é seur ke la subi in katastrof.

DEMANN AOU : « Koman le pandémi Kovid-19 i aprann amoin a kèl poin èt paré lé inportan ? »