Ansèrv la paj lakèy jw.org dann prédikasion

Su paj lakèy nout sit lintèrnèt néna bonpé zartik é bann vidéo. Tousa lé fé pou atir latansion bann domoun k’i vé vréman konèt Bondié (Akt 13:48). Souvandéfoi, an promié su la paj néna bann sujé laktualité, oubien bann sujé i okip lèspri domoun é k’i fé koz azot.

Koman ou pé ansèrv la paj lakèy jw.org dann prédikasion ?

• Pran labitid rogard lo sit. Rogard bien bann zartik su la paj lakèy, é domand aou koman ou pouré ansèrv azot pou èd in moun k’i vé konèt plis (pou trouv dot zartik té dési paj lakèy na poin lontan, klik su « Gard plus »). Ou nora bann nouvo zidé pou koz dési dann prédikasion si ou mèt aou o kouran laktualité lo sit.

• Ansèrv bann zartik é bann vidéo su la paj lakèy pou komans in diskusion. Bann zouti la, i pé done aou inn ti lidé su sak i pouré travay lèspri domoun dann téritoir.

• Mont la paj lakèy. Fé mont bann domoun détroi sujé é èsplik azot koman trouv détroi zartik su lo sit.

• Anvoy in lien. Désèrtin i vé pa koz èk nou mé zot lé dakor pou fé inn ti tour su lo sit. Donk, si in moun i vé konèt plis, ézit pa anvoy azot in lien k’i amèn su la paj lakèy, oubien su in lartik ou in vidéo ké lé su paj la.