Surasak Suwanmake/Moment via Getty Images
KONTINIÉ VÉYÉ !
Lété 2023, la chalèr i done bien mèm pou alé : Kosa la Bib i di ladsi ?
Domoun partou su la tèr i suport in chalèr ké zot la jamé viv é dot kastastrof akoz tan-la. Agard kosa bann lèspèsialis i di :
« I fé 174 zané k’i anrejis bann tanpératur dan lo monn. Nou la jamé gingn in moi d’juin cho komsala. » (Agence américaine d’observation océanique et atmosphérique, Département du commerce des États-Unis, 13 Julié, 2023.)
« Litali, Lèspagn, la Frans, Lalmagn é la Pologn i viv in chalèr i done pou alé, riskab su bann zil Sisil é la Sardèn lo tanpératur i ariv juska 48 dégré. Somanké i sra lo tanpératur lo pli cho ké la jamé gingné an Érop. » (Agence spatiale européenne, 13 Julié, 2023.)
« Firmézur la tèr i réchof, na oir la pli plizanpli for é pli souvan, akoz sa mèm, dolo i riskab dégrèn tout. » (Stefan Uhlenbrook, Directeur de l’hydrologie, de l’eau et de la cryosphère, Organisation météorologique mondiale, 13 Julié, 2023.)
Èské i trakas aou kan ou oi lo tan i chanj é i dovien plizanpli pir ? Alon oir kosa la Bib i di su bann problèm-la.
Kan lo tan i chanj é i dovien plizanpli pir, èské sé in profési la Bib ké lé antrinn réalizé ?
Oui. Tousala i akord èk sak la Bib i di su nout lépok. Par égzanp, Jézu la di ké nou sa oir « bann zafèr i fé pèr » (Luk 21:11). Akoz bann tanpératur i ogomant, domoun la pèr nou gingn pu viv su la tèr.
Èské in jour domoun i gingnra pu viv su la tèr ?
Non. Bondié la kré la tèr pou ké nou viv toultan dési. Li va jamé lès domoun détrui aèl. (Psom 115:16; Éklézias 1:4) An vré, li la promèt « détrui sak lé antrinn détrui la tèr ». (Révélasion 11:18)
La Bib i mont ké Bondié i pé, é li sa protèj la tèr, pou pa ké la natur i dégrèn aèl.
« [Bondié i ] fé arèt lo siklone; é bann lam la mèr i arèt fé dézord ». (Psom 107:29) Bondié néna lo pouvoir kontrol la natur é li lé kapab règ bann problèm-la su la tèr, k’i fé souf domoun.
« Ou pran soin la tèr, ou rand ali vréman rich é ou la fé ali pou ké li done in bonpé zafèr ». (Psom 65:9) Gras Bondié, la tèr va rovni in paradi.
Pou konèt plis su sak la Bib i promèt su koman la natur va rovni bien, agard lartik « Qui sauvera la terre ? »