Èské sé dann péi Israèl ké nora Armagédon ? Kosa la Bib i di ladsi ?

Dapré la Bib Armagédon lé pa inn gèr jus su in ti landroi su la tèr. Li sra partou dan lo monn. Li sra inn gèr ant Bondié é tout lo bann gouvèrnman su la tèr.

• « Bann parol inspiré par bann démon […] i sava koté bann roi su tout la tèr, pou ké zot i rogroup azot pou la gèr lo gran jour Bondié lo Toupuisan. […] É bann parol inspiré la rogroup bann roi dan in landroi k’i apèl Armagédon an lang ébré » (Révélasion 16:14, 16).

I di « Armagédon » parské an ébré i di Har Meghiddôn, i vé dir « montagn Mégido ». Mégido té in vil ké té laba dann péi Israèl dann tan lontan. Sé pousa ké domoun i kroi ké Armagédon i sra dann péi Israèl. Mé na poin asé la plas dann Mégido ou dan bann zandroi a koté pou ké « bann roi su tout la tèr » èk zot larmé i rogroup azot.

Liv la Révélasion (ou Apokalips) i koz an zimaj (Révélasion 1:1). Donk Armagédon lé pa in landroi su la tèr mé in lévènman ousa tout bann péi va rogroup azot pou fé la gèr kont gouvèrnman Bondié (Révélasion 19:11-16, 19-21).