Poukosa nou viv ?

Sak la Bib i di

Poukosa nou viv ? Nou pé poz kèstion la diféran fason, par égzanp : « Akoz nou viv su la tèr ? » oubien « Kosa mon vi i sèrv ? » Daprè la Bib, nou pé ansèrv nout vi pou vnir kamarad ansanm Bondié. Alon oir détroi vérité inportan la Bib i amont anou.

• Bondié lé nout Kréatèr. La Bib i di : « Sé [Bondié] la fé anou, é nou lé ali » (Psom 100:3 ; Révélasion 4:11).

• Kan Bondié la fé anou é tout sak i égzis, li la pa fé sa dann vid (Izai 45:18).

• Kom Bondié la fé anou èk bann bézoin spirituèl, nou vé konèt poukosa nou viv (Matié 5:3). É li vé vréman kontant nout kèr (Psom 145:16).

• Très in lamitié èk Bondié, va èd anou trouv lo kontantman spirituèl. Bonpé i pans lé pa posib èt kamarad Bondié, mé la Bib i di anou : « Kos koté Bondié, é li va kos koté zot » (Jak 4:8 ; 2:23).

• Pou nou vnir kamarad èk Bondié, i fo nout vi i akord èk sak Bondié i vé. La Bib i amont anou bien kosa i lé volonté la : « Mont la krintiv pou lo vré Bondié é obéi son bann komandman, parské sé sa mèm tout sak lom i doi fé » (Éklézias 12:13).

• I tard pa, Bondié va anlèv tout bann malizé é li va done la vi pou toultan son bann kamarad. Donk sak i ador ali, va gingn aoir la vi ké Bondié té vé vréman pou zot (Psom 37:10, 11).