BANN JEUN I POZ AZOT BANN KÉSTION
Akoz i fo asis bann rénion ke i fé la Sal du Roiyom ?
Deu foi dan la semèn, bann Témoin Jéova i fé bann rénion dann in landroi ki apèl « Sal du Roiyom ». Kosa i éspas laba, é koman bann rénion la i pe èd aou ?
Kosa i éspas dann in Sal du Roiyom ?
La Sal du Roiyom lé in landroi ousa nou aprann koman i fo aplik sak la Bib i ansègn. Bann rénion ke i fé laba i pe èd aou pou :
aprann la vérité su Bondieu ;
konprann sak bann zévènman nout lépok i ve dir ;
devnir in pluméyeur moun ;
fé aou bann bon kamarad.
Èske ou koné sa ? Landroi ousa bann Témoin Jéova i réuni azot i apèl « Sal du Roiyom » parske tèrlaba i koz souvan su le roiyom Bondieu (Matieu 6:9, 10 ; 24:14 ; Luk 4:43).
Poukosa ou devré asis bann rénion ?
Lansègnman ke nou gingn sra util pou ou. Bann vérité biblik ke lé étudié pandan bann rénion Témoin Jéova va èd aou pou « gingn la sajès » (Provèrb 4:5). An vré, la Bib i pe vréman èd aou pran bann bon désizion. Li pe donn aou osi bann répons su bann gran késtion su la vi, kom :
Dan nout bann rénion le wikèn, ala par égzanp, detroi sujé bann diskour ke nou koz desu :
Poukosa i fo lès la Bib gid anou ?
Ousa nou pe trouv de lèd kan nou lé dann malizé ?
Sak le roiyom Bondieu i fé pou nou depui koméla mèm
Bann preuv dan la kréasion ki mont ke Bondieu i égzis vréman
« In garson dan mon klas la ni asis nout bann rénion. Li la asiz koté moin é mon fami, é li la utiliz nout bann publikasion pou suiv le rénion. Aprésa, li la di amoin ke li la été vréman étoné par bann komantèr ke bann domoun la doné pandan bann sujé ousa zot té pe partisipé. Li la di osi ke dan son légliz, bann domoun na poin bann liv létud kom nou néna » (Brenda).
Èske ou koné sa ? Pou rant dann in Sal du Roiyom lé gratui é i fé jamé la kèt.
Ou sra ankourajé par lé zot moun ki asis le bann rénion. La Bib i di ke inn anparmi bann rézon poukosa bann krétien i réuni azot sé « ankouraj anou inn é lot » (Ébreu 10:24, 25). Nou viv dann in monn ousa la plupar domoun i pans rienk azot. É donk, sa i fé anou du bien retrouv anou avèk domoun kifé pas bann zintéré Bondieu é sak lé zot avan zot prop zintéré.
« Nadfoi apré in gran journé, mi san amoin tris é vréman fatigé, mé gras sak lé la a la Sal du Roiyom, mi san amoin bokou mieu. Kan mi rant mon kaz apré bann rénion, mi lé vréman kontan é mi san amoin an form pou atak in nouvo journé » (Elisa).
Èske ou koné sa ? Dann monn antié néna plus 120 000 zasanblé bann Témoin Jéova. Banna i réuni azot dan plus 60 000 Sal du Roiyom. Chak lané, néna anviron 1 500 Sal du Roiyom ke lé konstrui parske le nonm domoun i asis bann rénion i ogmant ankora.
a Pou trouv in Sal du Roiyom, alé su le paj « Rénion bann Témoin Jéova » é klik su « Trouv ousa i fé sa pré out kaz ».