LESON 8

Bann bon zégzanp pou ansénié

Matieu 13:34, 35

POIN INPORTAN : Rann out lansègnman pluméyeur avèk bann zégzanp sinp ki intérès vréman domoun é ki fé konèt bann zidé inportan.

Choizi bann zégzanp sinp. Kom Jézu la fé, ansèrv bann zafèr sinp pou ésplik bann zafèr vréman inportan. Ansèrv bann zafèr fasil pou ésplik bann zafèr difisil. Rajout pa bann détay inutil, ke va rann légzanp tro difisil pou konprann. Asur aou ke bann zidé dan out légzanp, néna bien in lien avèk lansègnman ke ou ve doné, pou évit détourn latansion domoun avèk bann détay inutil.

Regard bien otour de ou. Regard sak i éspas dan le monn, étudi nout bann publikasion é ékout bien sak lé gabié pou ansénié. Ékri bann zégzanp ke ou pouré utilizé pou rann out lansègnman pluméyeur ankor. Ramas in koté bann zégzanp la.
Majinn bann domoun. Choizi bann zégzanp ke na in rapor avèk sak domoun i fé é sak i intérès azot. An plus ke sa, out bann zégzanp i doi pa jèn azot ni chok azot.
Oubli pa lidé le plu inportan. Ansèrv bann zégzanp pou ésplik bann zidé plu inportan, olèrk ésplik bann ti détay. Vèy bien ke domoun i souvien pa seulman légzanp, mé osi le leson ke zot la vu.