LESON 1

Bann premié parol i kap latansion

Akt 17:22

POIN INPORTAN : Out bann premié parol i doi kap latansion. I doi fé konèt su kosa ou sar kozé é fémont poukosa domoun i devré intérès azot pou sujé la.

KOMAN I FO FÉ :

Kap latansion. Choizi in késtion, sit in parol in moun, in zistoir ke la vréman éspasé oubien in sujé dann laktualité, ke va intérès sak lapou ékout aou.

Kalkul bien a lavans, sak i intérès vréman bann domoun é sak i trakas zot léspri. Prépar é baz out bann premié parol ladsu.
Di kosa i lé le sujé. Asur aou, ke out bann premié parol i fé konprann toutsuit sak lapou ékout aou, kèl sujé ou sar koz desu é dan kèl but ou prézant ali.
Mont poukosa le sujé lé inportan. Di bann zafèr ki sra util pou bann domoun lapou ékout aou. Zot i devré bien konprann ke le sujé i sar koz desu i pe èd azot dan zot vi.

Kan ou lapou prépar in diskour, poz aou se késtion la : « Kèl kalité situasion bann frèr é seur mon lasanblé lokal i viv ? » Aprésa, dan out bann premié parol, di bann zafèr ki sra util dan zot vi.