Сар те водине библиска курсија е лилеа Ов бахтало засекогаш

Англедер о библиско курси

1. 

   1. Шукар спремин тут. Џикоте кереа адава размислин башо тло интересенти, со ваљани леске, саве околностија иси ле или ко со верујнела. Размислин со шај ка овел леске пхаро те хаљол или те применинел. Размислин сар о материјали ко дело „Истражин“ шај те поможинел е интересентеске хем ов спремно те користине ле ако ваљани џикоте водинеа о курси.

Ко библиско курси

1. 2. Нека овел молитва ко почеток хем ко крајо таро курси ако на сметинела адава е интересенте.

2. 

   3. Пазин те на кере бут лафи. Икер тут ко материјали хем мукх о интересенти те вакерел со мислинела хем со осетинела.

3. 4. Кеда почминена нево дело таро лил, читин и тема башо адава дело хем спомнин насловија таро некобор лекцие.

4. 5. Кеда ка завршине јекх дело таро лил, користин о дело „Со сиклиљан“ те шај те поможине е интересентеске те памтинел о буќа со сиклило лен.

5. 6. Џикоте проучинена секоја лекција е интересентеа:

   1. а) Читинен о пасусија тари лекција.

   2. б) Читинен са о стихија коленде со пишинела „Читин“.

   3. в) Читинен о јавера стихија сој ки лекција ако ваљанела.

   4. 

      г) Дикхен са о видеоклипија коленде со пишинела „Дикх“ (ако шај).

   5. д) Пуч секова пучибе е интересенте.

   6. ѓ) Замолин е интересенте те вакерел нешто башо слике сој ко дело „Дознајн повише“.

   7. е) Користин и рамка „Цел“ те шај те поможине е интересентеске те дикхел пло напредок. Шај те поттикнине ле те керел бути ки цел сој више денди атхе, те чхивел песке несави јавер цел или те керел о солдуј буќа.

   8. ж) Пуч е интересенте дали несави статија или несаво видеоклипи таро дело „Истражин“ мукхле леске впечаток џикоте спреминѓа пе башо библиско курси.

   9. з) Трудин тут секова пути те проучинен цело лекција.

Пало библиско курси

1. 

   7. Размислин башо тло интересенти. Молин е Јехова те благословинел ле џикоте напредујнела ко духовно поглед хем те дел тут мудрост те џане сар те поможине леске.