Дали сиан спремно?

Дали сиан спремно баши природно катастрофа? Шај таро јекх пути те овел земјотресија, пожарија, поплаве или ураганија, колендар со шај те овен страшна последице. Освен адава, шај бизо те аџикере хем бизо нисаво предупредување те авел џи ко терористичка нападија, немирија или епидемие (Про 9:11). На ваљани те мислина кај аменге нане никогаш те случинел пе нешто асавко.

Секој амендар ваљани те керел разумна чекорија те шај те спреминел пе баши катастрофа (Из 22:3). Иако е Јеховаскири организација керела нешто те шај те поможинел пали несави катастрофа, саринен амен иси амен лично одговорност те кера нешто англедер несави катастрофа (Га 6:5).

ДИКХ О ВИДЕОКЛИПИ ДАЛИ СИАН СПРЕМНО БАШИ ПРИРОДНО КАТАСТРОФА?, А ПАЛО АДАВА ОДГОВОРИН КО АКАЛА ПУЧИБА:

• 

  Сар адава со ка овел амен паше однос е Јеховаја ка поможинел аменге ако доживинаја катастрофа?

• 

  Соске тано важно...

  • • те овел тут шукар комуникација е старешиненцар англедер, џикоте трајнела и катастрофа хем пало адава?

  • • те спремине ранцо буќенцар со ка овен туке потребна? (g17.5-MC 6)

  • • те керен лафи башо адава со ка керен ако доживинена несави катастрофа?

• 

  Ко кола трин начинија шај те поможина околенге со доживинѓе катастрофа?