Проучин те шај те вакере несаво бисери е јаверенге

Кеда проучинаја и Библија, осетинаја амен освежиме. Ама, кеда вакераја е јаверенге охрабрувачка духовна бисерија со аракхлем лен, осетинаја амен панда пошукар. Ко Изреки 11:25 акава тано симболично опишимо акале лафенцар: „Секова мануш со спремно дела е јаверенге те пиен пани, леске да ка овел дендо те пиел пани“.

Кеда вакераја е јаверенге адава со сикљоваја, адава поможинела амен полокхе те памтина о поуке хем панда пошукар те хаљова лен. Освен адава, адалеске со асавке бисерија шај те овен корисна е јаверенге, радујнаја амен кеда шај те вакера лен ленге (Апо. 20:35).

Предлог: Јавер курко, роде прилика те вакере е јаверенге адава со сиклиљан. Адава шај те овел некој тари фамилија, таро собрание, колега ки бути, соученико, комшија или некој со ка аракхе ле ки служба. Пробин те вакере тле лафенцар, едноставно хем јасно.

Ма бистре: Кеда вакереа е јаверенге адава со сикљовеа, тли цел нека овел те охрабрине лен, а на те воодушевине лен (1. Кор. 8:1).