Причине баши надеж ко 2023 берш — Со вакерела и Библија?

Само со почминѓа о 2023 берш. Сарине надинаја амен кај аменге хем амаре фамилијаке ка случинен пе шукар буќа. Соске шај те надина амен ко акава?

И Библија дела амен надеж

Тари Библија дознајнаја јекх шукар хабери — кај о проблемија со иси амен авдиве тане моментална хем кај панда хари ка авел ленге крајо. Уствари, и Библија тани пишими баши амари поука „хем иси амен надеж соске е Девлескоро лафи дела амен утеха хем поможинела амен те издржина“ (Римјаните 15:4).

• Те шај те дознајне нешто повише со ветинела и Библија башо акава, читин и статија „Што навистина ни носи иднината?“

Надеж која со шај те поможинел туке панда акана

И надеж со дела амен и Библија шај те овел аменге сар „цврсто котва“ ко амаро живото (Евреите 6:19). Адаја надеж икерела амен цврсто кеда иси амен проблемија ко живото. Шај те поможинел аменге успешно те икљова ко крајо ленцар, те овел амен позитивно стави хем те ова чаче среќна. На пример:

• Дознајн сар и надеж тари Библија поможинѓа јекхе манушеске те боринел пе јекхе лошно навикаја со керела ле сине те овел зависно. Дикх о видеоклипи Нашти сине више те живинав асавко живото.

• Дикх сар и надеж тари Библија шај те поможинел амен кеда мерела амендар некој со мангаја ле. Дикх о видеоклипи Утеха околенге со муло лендар некој.

Кер позорали тли надеж

Бут мануша надинена пе кај ка случинен пе шукар буќа, ама нашти те овен сигурна кај адава чаче ка овел аѓаар. Ама, адава со ветинела и Библија тано појавер. Соске? Адалеске со адала ветувања авена таро Јехова о Девелa кова „со нашти те ховавел“ (Тит 1:2). Само е Јехова иси ле моќ те исполнинел са адава со ветинела. Ов шај те керел са со мангела (Псалм 135:5, 6).

Таро вило мангаја ту да те овел тут корист тари акаја сигурно надеж со дела амен и Библија. Шај те бајраре тли доверба ки акаја надеж аѓаар со ка проучине и Библија (Дела 17:11). Адава шај те кере адалеа со ка почмине бесплатно библиско курси некасаја таро е Јеховаскере сведокија. Почмин о 2023 берш аѓаар со ка дикхе позитивно ки иднина!