Кер пошукар и служба — сар те сведочине некаске со керела лафи ки јавер чхиб

Соске тано важно акава: О Јехова интересинела пе башо духовна потребе е манушенгере „тари секоја нација“ (Дела 10:34, 35). Адалеске, о Исус сикавѓа кај о шукар хабери „ка проповединел пе ко цело сумнал“ хем „са е народонге“ (Мат. 24:14). О Захарија вакерѓа кај ‚мануша со керена лафи ко са о чхибја‘ ка прифатинен акава хабери (Зах. 8:23). О апостол Јован дикхља ки визија кај и бари неволја ка преживинен ла мануша таро ‚са о народија, племија, народностија хем чхибја‘ (Отк. 7:9, 13, 14). Адалеске, кеда ка аракха ко амаро подрачје некас со керела лафи ки јавер чхиб, тегани ваљани те трудина амен те сведочина леске.