ТЕ ЖИВИНА САР ХРИСТИЈАЊА
Те соработина ко подрачје коте со керела пе лафи ко повише чхибја
О мануша бут пути полокхе прифатинена о хабери башо Царство кеда шунена ле ки пли чхиб. Адалеске шај ки Педесетница 33 берш а.е. о Јехова керѓа „о Евреија со дарана сине таро Девел таро са о народија ки цели пхув“ те шунен о шукар хабери ки „пумари чхиб“, иако шај ола џанена сине хебрејски хем грчки (Де 2:5, 8). Авдиве, ко тхана коте со живинена мануша со керена лафи ко различна чхибја, о собранија со икерена состанокија ко различна чхибја шај обработинена иста подрачја. Сар шај о објавителија таро адала собранија те соработинен те шај те вакерен сариненге о шукар хабери, хем те пазинен те на проповединен ко исто удар хем адалеа те хољанкерен е станарен?
Керен лафи е јаверенцар (Из 15:22): О надгледникија баши служба ваљани те керен лафи хем те договоринен пе кова тано о најшукар начин те проповединен о шукар хабери. Ако нане лен бут баро подрачје, о собранија со проповединена ко јавера чхибја шај нане те манген тумен те џан хем те проповединен ко кхера коте со о мануша керена лафи ки ленгири чхиб. Сепак, ако ола нашти редовно те обработинен пумаро подрачје соске тано бут баро, шај ка манген тумен те на мукхен ни јекх кхер хем те вакерен ленге ако некој сикавела интерес таро ленгоро подрачје (od-MC 93 стр., 37 пас.). Или шај ка замолинен тумаро собрание те поможинел ленге те аракхен мануша со керена лафи ки ленгири чхиб хем ленгере адресе шај те префрлинен пе ко ленгоро подрачје. Нека овел тумен ки годи кај ко несаве кхера керела пе лафи ко повише чхибја. О начин сар обработинела пе о подрачје ваљани те овел ко склад е законенцар баши заштита о лична податокија.
Соработинен е јаверенцар (Еф 4:16): Шукар следин о упатствија со добинеа лен таро тло надгледнико баши служба. Дали проучинеа некасаја со повише би мангела те проучинел ки јавер чхиб наместо ки чхиб со керела пе лафи ко тло собрание? О интересенти шај посигате ка напредујнел ако деа ле те проучинел објавителеа кова сој таро паше собрание или група со керена лафи ки лескири чхиб.
Спреминен тумен (Из 15:28; 16:1): Ако о станари керела лафи ки јавер чхиб, де тутар са те вакере леске о шукар хабери. Шај те спремине тут аѓаар со ка дознајне ко саве чхибја керела пе лафи ко тло подрачје. Пало адава, шај англедер ко тло електронско уред те пераве превод тари Библија хем видеоклипија ко адала чхибја. Исто аѓаар, преку и апликација JW Language шај те сикљове те поздравине е манушен ки ленгири чхиб.