Кер пошукар и служба — те кера лафи са е манушенцар ко амаро подрачје

СОСКЕ ТАНО ВАЖНО: О Захарија пророкујнѓа кај о мануша таро са о чхибја хем нацие ка прифатинен о шукар хабери (Зх 8:23). Ама, кој ка сикавел лен башо адава? (Ри 10:13-15). Иси амен предност хем одговорност те вакера о шукар хабери сариненге ко амаро подрачје (od 84 стр., 10-11 пас.).

САР ТЕ КЕРА АДАВА:

• Спремин тут. Дали аракхеа манушен со керена лафи ки јавер чхиб? Шај те користине и апликација JW Language те шај те сикљове јекх кратко презентација. Исто аѓаар, ко тло мобилно телефони шај те сикаве е манушеске сар те аракхел повише информацие ки пли чхиб ко jw.org

• Ов внимателно. Ако проповединеа таро кхер ко кхер, ма мукх и прилика те сведочине е јаверенге да. Кер лафи околенцар со накхена адатхар или со аџикерена ко врдија. Ако сведочинеа ко прометна тхана, ма бистре кај амари цел тани те да сведоштво

• Ов темелно. Де тутар са те аракхе адален со на аракхљан лен кхере. Трудин тут те кере лафи барем некасаја таро секова кхер, кер адава ко различно време таро диве или ко јавер диве таро курко. Несаве манушенге шај ка ваљани те пишине писмо, те роде лен ко телефони или те сведочине ленге ки улица

• Џа ко адала со сикавѓе интерес. Кер адава кобор со шај посигате. Ако о мануш керела лафи ки јавер чхиб, трудин тут те аракхе несаве објавителе со шај те поможинел ле ки лескири чхиб. Ама са џикоте на посетинела ле објавители со керела лафи ки лескири чхиб, ваљани ту те посетине ле (od 94 стр., 39-40 пас.)

ДИКХ О ВИДЕОКЛИПИ ПРОПОВЕДИНАЈА „СА ЏИ КО НАЈДУР ТХАНА КИ ПХУВ“, ХЕМ ОДГОВОРИН КО ПУЧИБА:

• 

  Со керена о пхраља хем о пхења те шај те авен џи ко мануша со живинена ко изолириме тхана? (1Ко 9:22, 23)

• 

  Саве препреке ваљани сине те накхавен?

• 

  Саве берекетија сине лен?

• Со шај ту те кере те шај те сведочине повише манушенге ко тло подрачје?