Практична предлогија башо состанокија баши служба

О состанокија баши служба, сар са о јавера собраниска состанокија, тане поклон таро Јехова кола со поможинена аменге те сикава мангипе хем шукарипе (Ев 10:24, 25). Акала состанокија ваљани те трајнен панџ џи ко ефта минутија, хем ко акава време ваљани те организиринен пе о групе, те ден пе о подрачја хем те вакерел пе и молитва. (О состанок баши служба ваљани те трајнел пократко ако англедер сине јавер состанок.) О пхрал со водинела о состанок ваљани те спреминел нешто практично е пхраленге хем е пхењенге кола со ка џан ки служба адава диве. На пример, ко состанокија сабота шај те керел пе лафи башо адава сар те почминел пе разговор е манушенцар. Акава шај бут те поможинел е пхраленге хем е пхењенге кола со на сине ки служба таро претходно викенд. Аке несаве јавера да практична буќа коленге со шај те керел пе лафи:

• Јекх таро предлогија башо разговор таро Амаро живото хем служба — листија спремибаске

• Сар те почминел пе разговор башо несаво настан со уло сигенде или несави информација таро вестија

• Сар те одговоринел пе ко приговор со обично вакерена ле

• Сар те керел пе лафи некасаја сој атеисти, со верујнела ки еволуција, некасаја со керела лафи ки јавер чхиб или со припадинела ки јавер религија која со нане вообичаено башо тумаро подрачје

• Сар те користина несаве буќа тари амари интернет-страница jw.org, тари апликација JW Library^® или тари Библија

• Сар те користина несаве таро амаре главна публикацие службаке

• Сар те кера амари служба преку телефони, преку пишибе писмија, сведочибе ко прометна тхана, повторна посете или библиска курсија

• Те потсетина амен баши безбедност, те прилагодина амен, шукар те понашина амен, те овел амен позитивно стави, или нешто слично

• Те кера лафи баши несави лекција или видеоклипи тари брошура Ов са пошукар ко читибе хем сикајбе

• Сар те охрабрина хем те поможина амаре партнере ки служба

• Те кера лафи башо несаво стихо или охрабрувачко искуство поврзимо е службаја