ТЕ ЖИВИНА САР ХРИСТИЈАЊА
Тернален — пхравен тумаро вило тумаре родителенге
Соске ваљани отворено те кере лафи тле родителенцар башо адава со мислинеа? (Из 23:26). Адалеске со о Јехова денѓа лен одговорност те грижинен пе туке хем те водинен тут (Пс 127:3, 4). Ка овел ленге пхаро те поможинен туке, ако са адава со мучинела тут гаравеа ле ки туте. Исто аѓаар, ка пропуштине те сикљове таро ленгоро искуство со сине лен ко живото. Дали тано погрешно те на вакере нешто? Нане. Ама, пазин те на чхиве лен те мислинен песке кај керѓан нешто погрешно хем адалеске гаравеа (Из 3:32).
Сар шај те кере лафи тле родителенцар? Трудин тут те аракхе време кова со одговоринела хем туке хем ленге. Ако туке пхаро те кере лафи ленцар, пишин ленге јекх лил коте со ка вакере сар осетинеа тут. Со ако ола мангена те керен туја лафи баши тема која со ту на мангеа? Ма бистре кај ола чаче мангена те поможинен тут. Дикх ко тле родителија сар амала, а на сар душмања. Адава со ка трудине тут те кере лафи тле родителенцар ка овел туке корисно цело живото — чак ки цело вечност (Из 4:10-12).
ДИКХ О КЛИПИ МЛЕ ТИНЕЈЏЕРСКА БЕРША — САР ТЕ КЕРАВ ЛАФИ МЛЕ РОДИТЕЛЕНЦАР? ХЕМ ПАЛО АДАВА ОДГОВОРИН КО АКАЛА ПУЧИБА:
Со халиле баши песте и Естер хем о Патрик?
Со шај те сикљове таро е Исусескоро пример?
Сар тле родителија сикавѓе кај грижинена пе туке?
Тле родителија мангена те ове успешно
Кола библиска начелија шај те поможинен туке те кере лафи тле родителенцар?