Ту шај те кере тли фамилија те овел радосно

О Јехова мангела о фамилие те овен радосна (Пс 127:3-5; Про 9:9; 11:9). Сепак, и радост шај те нашава ла адалеске со иси амен притисок таро акава свето хем башо грешке со керена несаве членија тари амари фамилија. Со шај секова јекх те керел те шај и фамилија те овел радосно?

О ром сикавела кај поштујнела пле ромња (1Пе 3:7). Ов накхавела лаја време, исто аѓаар, на очекујнела латар те керел адава со нашти хем сикавела лаке кај ценинела адава со керела леске хем баши фамилија (Кол 3:15). Ов сикавела лаке лафенцар хем постапкенцар кај мангела ла, хем фалинела ла (Из 31:28, 31).

И ромни родела начинија те поддржинел пле роме (Из 31:12). Ој тани подложно леске хем ­соработинела леа (Кол 3:18). Ој тани леа ­љубезно хем вакерела шукар буќа лестар (Из 31:26).

О родителија накхавена време пумаре чхавенцар (5Мо 6:6, 7). Ола вакерена пле чхавенге кај мангена лен (Мт 3:17). Кеда ваљани те воспитинен пумаре чхавен, па чак те казнинен лен, о родителија ваљани те сикавен мангипе хем те овен разумна (Еф 6:4).

О чхаве поштујнена пумаре родителен хем шунена лен (Из 23:22). Ола вакерена пле родителенге со размислинена хем сар осетинена пе. Ола прифатинена о советија пле родителенгере хем сикавена ленге поштовање (Из 19:20).

ДИКХ О ВИДЕОКЛИПИ КЕР ТЕ ОВЕЛ БАХТАЛИ ТЛИ ФАМИЛИЈА, А ПАЛО АДАВА ОДГОВОРИН КО АКАВА ПУЧИБЕ:

Со керѓа секова јекх те шај и фамилија те овел радосно?