Соске понадари да иси војне хем насилна конфликтија

О ГРЕВО

О Девел створинѓа амаре прва родителен, е Адаме хем е Ева, спрема пло лико (1. Мојсеева 1:27). Адава значинела кај ленге ка овел сине нормално те сикавен е Девлескере особине, сар сој о мир хем о мангипе (1. Коринќања 14:33; 1. Јованескоро 4:8). Ама о Адам хем и Ева на шунѓе е Девле хем грешинѓе. Адалеске сарине наслединѓем о грево хем о мерибе (Римјања 5:12). А адава керела бут пути те овен амен лошна мисле хем адалеске бут мануша керена лошна буќа (1. Мојсеева 6:5; Марко 7:21, 22).

О МАНУШИКАНЕ ВЛАДЕ

О Девел на створинѓа амен те шај те владина упро јавера. Ки Библија пишинела: „О мануш кова со пхирела нашти те управинел пле чекорија“ (Еремија 10:23). Адалеске, о манушикане владе нашти целосно те циден о војне хем о насилство.

О САТАНА ХЕМ ЛЕСКЕРЕ ДЕМОНИЈА

И Библија сикавела кај „цело свето тано ко васта е лошноскере“ (1. Јованескоро 5:19). О лошно тано о Сатана, о Бенг, хем ов нане милостиво хем мударела (Јован 8:44). Ов хем о демонија влијајнена упро мануша те шај те почминен војне хем те овен насилна (Откровение 12:9, 12).