Со ка керел е Девлескоро Царство е војненге?

Ко цело свето понадари да о војне анена баре дукха хем муке. Аке некобор извештаија:

• „Ко берш со накхља муле ки војна повише мануша него ко са акала 28 берша хем највише муле ко војне ки Етиопија хем ки Украина“ (Институти со истражинела башо мир ко Осло, 7 јуни 2023 берш).

• „И војна ки Украина тани само јекх таро конфликтија со сине ко 2022 берш. Ко берш со накхља, ко цело свето, о политичко насилство барило башо 27% хем 1,7 милијарде мануша сине погодиме таро насилство“ (Проекти те шај те дикхел пе коте иси вооружиме конфликтија хем податокија башо настанија [ACLED], 8 февруари 2023 берш).

Ама, и Библија дела амен надеж. Ки лате пишинела кај „о небесно Девел ка ваздел царство кова со никогаш нане те овел уништимо“ (Даниел 2:44). Кеда адава Царство ка владинел или јавере лафенцар адаја влада, о Девел ка чхинавел „о војне ки цели пхув“ (Псалм 46:9).