Са повише мануша ко цело свето осетинена пе осамено — Сар те икљове ко крајо адалеа?

• „Отприлика екваш таро возрасна мануша ко САД вакерена кај тане осамена, а повише лендар тане машкар 18 џи ко 25 берш“ (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023).

• „[И Светско здравствено организација] биринѓа некобор манушен те истражинен повише баши осаменост хем ко адава те дикхен сар јекх баро проблеми башо састипе, те поттикнинен е манушен повише те дружинен пе хем те аракхен решение баши осаменост ко са о пхувја, бизи разлика дали адаја пхув тани барвали или чороли“ (Светско здравствено организација 15 ноември 2023).

И Библија дела практична советија башо адава сар те накха шукар е јаверенцар хем адава те поможинел амен те на осетина амен осамено.

Начелија тари Библија со шај те поможинен амен

Кер похари буќа кола со цидена тут е јаверендар. Јекх асавки бути тани бут те користинел пе о социјална мреже. Наместо адава, роде прилике те накхаве време манушенцар хем те кере туке чачутне амала.

• Начело тари Библија: „О чачутно амал сикавела мангипе ко секова време хем пхрал овела ко пхаре диве“ (Изреки 17:17).

Роде прилике те поможине е јаверен. Адава со ка кере шукарипе е јаверенге на само со ка поможинел тут те ове ко шукар односија е јаверенцар, него хем ка поможинел тут те осетине тут пошукар.

• Начело тари Библија: „Повише иси радост кеда дела пе него кеда лела пе“ (Апостолија 20:35).

Ки амари интернет-страница шај те аракхе повише информацие тари Библија башо адава сар те кера аменге шукар амала.