Победин и осаменост аѓаар со ка поможине е јаверенге — Со вакерела и Библија?

Мануша таро цело свето осетинена пе осамена хем дур таро јавера. Несаве стручњакија башо састипе мислинена кај јекх бути со шај те поможинел некаске те на осетинел пе осамено тано адава со ка поможинел е јаверенге.

• „Адава со ка поможина адаленге каске со ваљани помош ка поможинел аменге те на осетина амен осамено хем дур таро јавера“ (Американско државно институти башо састипе).

Ки Библија иси практична советија сар шај те поможина е јаверенге. Адалеа со ка применина адава со пишинела ки лате ка поможинел аменге те борина амен кеда осетинаја амен осамена.

Со шај те кере

Ов дарежливо. Роде прилике те накхаве време е јаверенцар, посебно ко живо. Ов спремно те делине адава со иси тут. Ако кереа адава, ола шај ка овен туке благодарна, а аѓаар шај те овен амала.

• Библиско начело: „Ден, хем о мануша ка ден тумен“ (Лука 6:38).

Користин тли сила те поможине е јаверенге. Роде начинија сар те поможине е јаверенге кеда накхена таро пхаре времија. Тегани, шај ка ваљани шукар те шуне лен или практично те поможине лен те шај те кере полокхо те овел ленге.

• Библиско начело: „О чачутно амал сикавела мангипе ко секова време“ (Изреки 17:17).

Нешто повише башо адава сар те ове попаше е јаверенцар шај те читине ки статија „Односи со семејството и пријателите“.