Шов милиоња мануша муле таро КОВИД — Со вакерела и Библија башо адава?

Спрема и Светско здравствено организација (СЗО) џи ко 23 мај 2022 берш, 6,27 милиоња мануша муле таро КОВИД-19. Ама, ко јекх извештај таро 5 мај 2022 берш, и СЗО вакерѓа кај веројатно о број таро адала со муле таро акава насвалипе тано бут побаро. Ој вакерѓа кај ко 2020 хем 2021 берш, „отприлика 14,9 милиоња мануша муле таро КОВИД-19 или таро лескере последице“. Дали и Библија вакерела нешто башо асавке трагедие?

Ки Библија пишинела кај ка овен пандемие

•  О Исус вакерѓа кај ка овен заразна насвалипа ко време кова со и Библија викинела ле „последна диве“ (Лука 21:11; 2. Тимотеј 3:1).

Е Исусескере лафија исполнинена пе авдиве. Те шај те дознајне повише, читин и статија „Од каде знаеме дека живееме во ’последните денови‘?“

И Библија дела утеха

•  „О Девел секоле утехакоро... дела амен утеха ки секоја амари неволја“ (2. Коринќаните 1:3, 4).

Бут џене со муло некој таро ленгере мангле аракхле утеха ки Библија. Те шај те дознајне повише, читин о статие „Како да ја поднесеш тагата — што можеш да направиш“ хем „Најдобрата помош за ужалените“.

И Библија вакерела кова тано о трајно решение

•  „Те авел тло Царство. Те овел тли волја, сар ко небо аѓаар ки пхув“ (Матеј 6:10).

Панда хари „е Девлескоро Царство“ ка керел нешто те шај нијекх мануш со живинела ки пхув те на вакерел: „Насвало сиум“ (Марко 1:14, 15; Исаија 33:24). Дикх о видеоклипи Сој е Девлескоро Царство? те шај те дознајне повише баши адаја небесно влада хем со ка керел ки иднина.

Канинаја тут те сикљове повише башо адава со вакерела и Библија. Аѓаар ту хем тли фамилија ка овел тумен корист таро мудра советија хем шуже ветувања сој пишиме ки лате.