I poraka tari Biblija

Palo 4026 a.a.e.

„O sap“ kergja o javera te sumninen pe dali e Devle isi le pravo te vladinel hem dali o način sar vladinela tano šukar. O Jehova vetingja kaj ka avel „potomstvo“, ili „potomco“, kova so ka smačkonel e sapeskoro šero, javere lafencar e Satana (1. Mojseeva 3:1-5, 15, fusnota). Ama, o Jehova mukhlja nesavo vreme o manuša te vladinen jekh jekhea hem o Satana te vlijajnel upri lende.

1943 a.a.e.

O Jehova vakergja e Avraameske kaj o vetimo potomco ka avel tari leskiri familijarno loza (1. Mojseeva 22:18).

Palo 1070 a.a.e.

O Jehova vetingja e careske e Davideske, a palo nesavo vreme leskere čhaveske da, e Solomoneske, kaj o vetimo potomco ka bijangjovel ki lengiri familijarno loza (2. Samoilova 7:12, 16; 1. Carevite 9:3-5; Isaija 9:6, 7).

29 a.e.

O Jehova otkringja kaj o Isus tano o vetimo potomco kova so ka nasledinel e Davideskoro prestol (Galatjanja 3:16; Luka 1:31-33; 3:21, 22).

33 a.e.

O Satana čhivgja e Devleskere dušmanen te mudaren e Isuse hem adalea ispolningja pe jekh delo taro proroštvo kaj o Sap ka kicinel e vetime potomco ki peta. O Jehova voskresningja e Isuse sar duhovno ličnost ko nebo. O sovršeno životo so o Isus žrtvujngja, o Jehova prifatingja le sar otkupno žrtva. Adalea šaj e Adameskere potomconge te prostinen pe o grevija hem te živinen večno (1. Mojseeva 3:15; Apostolija 2:32-36; 1. Korinkjanja 15:21, 22).

1914 a.e. ili kratko palo adava

O Isus frdingja e Satana taro nebo ki phuv; e Satana ačhilo le „hari vreme“ (Otkrovenie 12:7-9, 12).

Ki idnina

O Isus ka frdel e Satana ki bezdna, kote so ka ačhol 1.000 berša, a palo adava ka uništinel le ili, ki simbolično smisla, ka smačkonel leskoro šero. O Jehova ka ispolninel pli namera so sine le ko početok e phuvjaja hem e manušencar, ka cidel i ladž taro plo anav hem ka dokažinel kaj ov vladinela ko ispravno način (Otkrovenie 20:1-3, 10; 21:3, 4).