5. PUČIBE
Koja tani i poraka e Biblijakiri?
„Ka čhivav dušmanluko maškar tute hem maškar i džuvli, maškar lakoro potomstvo hem tlo potomstvo. Ov ka smačkonel tlo šero, a tu ka kicine le ki peta.“
„Preku tlo potomstvo sa o narodija ki phuv ka dobinen blagoslov adaleske so šungjan mlo glaso.“
„Te avel tlo Carstvo. Te ovel tli volja, sar ko nebo agjaar ki phuv da.“
„O Devel so dela mir, ka čhivel e Satana telo tumare pre hem ka smačkonel le.“
„Keda o Devel ka čhivel sa telo leskere pre, tegani o Čhavo da ka podložinel pe e Devleske, kova so čhivgja sa telo leskere pre, te šaj o Devel te ovel sarinenge sa.“
„A o vetuvanja sine dende e Avraameske hem leskere potomstvoske... a adava tano o Hristos. Ako sien e Hristoseskere, tegani tumen sien e Avraameskoro potomstvo.“
„I carsko vlast upro sveto akana pripadinela amare Gospodareske hem leskere Hristoseske, hem ov ka vladinel sar cari zasekogaš.“
„Sine frdimo o baro zmej, o najpurano sap, kova so vikinela pe Beng hem Satana, kova so hovavela celo sveto. Sine frdimo ki phuv, a zaedno lea sine frdime leskere angelija da.“
„Ov astargja e zmee, e najpurane sape, kova tano o Beng hem o Satana, hem phanlja le 1.000 berša.“