6. PUČIBE
So prorokujngja i Biblija bašo Mesija?
PROROŠTVO
„A tu, Vitleem Efrato... tutar ka ikljol okova so ka ovel vladeteli ko Izrael.“
ISPOLNINGJA PE
„Otkeda o Isus bijandilo ko Vitleem tari Judeja, keda o Irod sine cari, o astrologija taro istok ale ko Erusalim.“
PROROŠTVO
„Delinena mle šeja maškar peste hem frdena ždrepka bašo mle šeja.“
ISPOLNINGJA PE
„Keda o vojnikija kovingje e Isuse ko stubo, lele leskiri upruni nametka hem delingje la ko štar delija... Hem lele leskiri teluni nametka da koja so na sine sivdi nego sine celosno pletimi. Adaleske vakergje jekh jekheske: ’Te na pharava la, nego ždrepkaja te odlučina kaskiri ka ovel‘.“
PROROŠTVO
„Ov arakhela sa leskere kokala, nijekh lendar nane phago.“
ISPOLNINGJA PE
„Keda ale dži ko Isus dikhle kaj više sine mulo hem na phagle leskere čanga.“
PROROŠTVO
„Ov sine posavdo bašo amaro grevo.“
ISPOLNINGJA PE
„Jekh taro vojnikija lelja kopje hem posavgja le teleder o rebre, hem odma thavdingja lestar rat hem pani.“
PROROŠTVO
„Dengje man i plata, 30 srebrenikija.“
ISPOLNINGJA PE
„Tegani jekh taro 12 apostolija, kova so vikinela pe sine Juda Iskariot, gelo ko glavna sveštenikija hem vakergja lenge: ’So ka den man ako predajnava e Isuse tumenge?‘ Ola dogovoringje pe lea kaj ka den le 30 srebrenikija.“