7. PUČIBE
So prorokujngja i Biblija bašo amaro vreme?
„Ka borinel pe narodo protiv narodo, hem carstvo protiv carstvo... Sa akala bukja tane početok taro bare dukha.“
„Ka ikljon but hovavne prorokija hem ka hovaven bute manušen. Hem adaleske so o lošnipe ka bajrol, bute dženengoro mangipe ka šudrol.“
„Keda ka šunen bašo vojne ko razna thana, ma daran. Adava mora te slučinel pe, ama tegani panda nane o krajo.“
„Ka oven bare zemjotresija, a ko razna thana ka ovel bokhalipa hem zarazna nasvalipa. O manuša ka dikhen bukja so ka daraven len hem ka oven bare znakija taro nebo.“
„Ko posledna dive ka ovel but pharo vreme. Soske, o manuša ka mangen korkori pes, ka mangen o pare, ka oven čalmdžie, ka ikeren pe ko baripe, ka keren lafi protiv o Devel hem protiv o javera manuša, nane te šunen ple roditelen, nane te oven blagodarna, nane te oven verna, nane te mangen ple familija, nane te oven spremna bašo bilo savo dogovor, klevetnikija, nane te kontrolirinen pe, surova, nane te mangen o šukaripe, predavnikija, inačie, gorda, ka mangen o zadovolstvija, a na e Devle, ka dikhjon sar te phene služinena e Devleske, ama nane te živinen agjaar.“