Tu šaj večno te dživdine ki Phuv!
Akaja brošura ka pomožineltu te džane koj kjerga i Phuv thaj sa o bukja ki o late. Tu ka sikljove kaj o Devel so kjergja i Phuv isi le anav. Akate, isto agjaar ka objasnina soske o Devel kjergja e manuše hem sar šaj bahtalo te dživdine večno ki phuv!
Isi but slike so ka pomožinentu te prestavine tuke o bukja pošukar. Te oveltu pobari korist valjani te čitine o stihija tari Biblija kola so i uzo slike. Agjaar, tu korkoro ka čitine tari Biblija koja tani e Devleskiri namera. Ka džane so valjani te kjere te šaj te oveltu korist kjeda ka phergjol odoja namera.
Šaj ka mange akale brošuraraja te pomožine javere manušengje. Ako isi tu čhave, šaj te koristinela te sikavelen bašo Devel. Ako ko than kote so dživdineja but manuša nadžanena te čitinen, šaj te koristine o slike pošukar te haljoven e Devleskere namere, thaj olada te pomožinen javerengje.
Iskreno nadinaja amen kaj čitibaja i brošura ka oventu but bare berekjetija, veljam ka sikave sar javerada šaj bahtale te dživdinen večno akate ki Phuv!