Koj kjergja sa o bukja?

1 O Devel kergja o nebo thaj i phuv (1. Mojseeva 1:1).

2 E Devle isi le anav. Leskoro anav tano Jehova (Psalm 83:18).

O Jehova dživdinela ko nebo. Ov tano duho. Našti te dikhele (Isaija 66:1; Jovan 1:18; 4:24).

3 O Jehova kergja but angelija ko nebo. O lada, isto agjaar tane duhija. Sa ola sine šukar. Poangle, podisavo puti ola lena sine manušikano telo te šaj o manuša te dikhenlen (Evreite 1:7).

4 O Jehova angleder te kjerel e manuše, kjergja e životnen (1. Mojseeva 1:25).

5 O Jehova, isto agjaar kjergja jekhe manuše, o anav leskoro sine Adam, thaj leskere romnja e Eva (1. Mojseeva 1:27).

O Devel kjergja leske jek but šužo than dživdipaske, ko raj. Ov dingja e Adameske samo jek romni. Odoleske o rom valjani te ačhovel samo pe romnaja (1. Mojseeva 2:8, 21, 22, 24).

6 O manuš tano duša (1. Mojseeva 2:7; 1. Korinkjanite 15:45).

7 O životne tane duša (1. Mojseeva 1:24).