Soske merela o manuš?

8 O Jehova manglja o manuš te kjerel celo Phuv te ovel šuži — raj, kote so sarine ka uživinen (1. Mojseeva 1:28).

O manuša šaj sine večno te dživdinen, ako o Adam hem i Eva sine poslušno e Jehovaske. Sine lenge zabranimo te han taro jek posebno kaš (1. Mojseeva 2:15-17).

9 Jek angeli ulo bilačho thaj preku jek sap čhivgja e Adame hem e Eva te na šunen e Devle (1. Mojseeva 3:1-6).

10 O angeli so hovavgja e Eva sine vikimo ,prazmija, Beng thaj Satana‘ (Otkrovenie 12:9).

11 O Jehova paldingja e Adame hem e Eva taro raj (1. Mojseeva 3:23, 24).

12 O Adam hem i Eva sine len čhave, ama celo familija na sine bahtale (1. Mojseeva 3:17, 18).

13 Mora sine te phujroven hem te meren, sar so vakjergja o Jehova (1. Mojseeva 3:19; Rimjanite 5:12).

14 Agjaar ola mule sar so merena o životne.

Sa o duše ki Phuv merena (Propovednik 3:18-20; Ezekiel 18:4).