Ola šungje e Satana — so angja adava?

O Adam hem i Eva na šungje e Devle, adaleske ola mule (1. Mojseeva 3:6, 23)

I Eva šungja e sape hem halja taro kaš. Palo adava, oj dengja e Adameske hem ovda halja.

Adava so kergje sine pogrešno — kergje grevo. O Devel paldingja len taro raj.

O životo lenge hem lengere čhavenge sine pharo. Ola phurile hem mule. Ola na gele ko nesavo javer sveto; ola poviše na postojnena sine.

E mulendar ništo na ačhola (1. Mojseeva 3:19)

Amen meraja soske sarine avaja taro Adam hem i Eva. O mule našti te dikhen, te šunen ili nešto te keren (Propovednik 9:5, 10).

O Jehova na manglja o manuša te meren. Panda hari ov ka vazdel sa e mulen. Ako šunena le, ola ka živinen večno.