Thagari taro nebo ka anel berekjetija ki Phuv

41 O Jehova čhivgja e Isuse cari ili thagari ko nebo (Isaija 9:6; Daniel 7:13, 14; Dela 2:32-36).

42 Ov ka vladinel upri celo Phuv (Daniel 7:14; Matej 28:18).

43 Dali setineatu, so ka ovel e bilačhe manušencar? (Psalm 37:9, 10; Luka 13:5).

44 Dali setineatu ko anav e angeleskoro so prvo grešingja? O Isus ka uništinel leste hem e javere lošno angjelen. Isto agjaar ka oven uništime lengjere idolija hem slike (Evreite 2:14; Otkrovenie 20:2, 10).

45 O Isus ka kjerel but šukar bukja e manušengje so ka šunen e Devle (Evreite 5:9).

46 Nijek pobuter nae te ovel nasvalo (Isaija 33:24; Otkrovenie 22:1, 2).

Dali šaj te setinetu kaj o Isus sasljarela sine nasvalen?

47 Sarine ka ovel len sa so trebela lengje (Isaija 65:17, 21-23).

48 O Devel pamtinela čak e manušen so mule. Ov ka koristinel e Isuse te iranelen palem ko dživdipe. Odova vikinelape voskresenie (Jovan 5:28, 29; 11:25).

49 Kjeda sa o lošna ka oven uništime, nijek pobuter nae te merel. Čak o diva životne nae te oven opasna. Sarine ka oven bahtale zasekogaš (Otkrovenie 21:4; Isaija 65:25; Psalm 37:11, 29).