9 DELO
Keda ka avel o raj?
O nevolje ki Phuv sikavena kaj e Devleskoro Carstvo tano paše (Luka 21:10, 11; 2. Timotej 3:1-5)
I Biblija angleder vakergja bašo but bukja so avdive ovena. Oj vakerela kaj o manuša ka mangen o love, nane te šunen pe roditelen, ka oven but holjame hem ka mangen but te uživinen.
Ka oven bare zemjotresija, maribe, bokhalipe hem razna nasvalipa. Akala bukja ovena akana.
Isto agjaar, o Isus vakergja kaj i šukar vest bašo Carstvo ka vakerel pe ko celo sveto (Matej 24:14).
O Carstvo ka uništinel sa o lošnipe (2. Petrovo 3:13)
O Jehova panda hari ka uništinel sa o lošnipe.
O Satana hem o demonija ka oven kaznime.
Okola so šunena e Devle ka ačhon ko jekh pravedno sveto kote so nane te ovel poviše dar, sveto kote o manuša ka mangen pe hem ka verujnen jekh jekheske.