Uvod bašo 14 delo

O prva hristijanja propovedinena sine o šukar haberi bašo Carstvo dži ko najdur thana ki Phuv. O Isus bičhalgja len kote te džan te propovedinen. Isto agjaar, čudoja dengja len sposobnost te keren lafi ko razna čhibja te šaj te sikaven e manušen ki lengiri čhib. O Jehova dengja len hrabrost hem sila te izdržinen iako isi len progonstvija.

O Isus dengja e apostoleske e Jovaneske vizija baši e Jehovaskiri slava. Ko javer vizie, o Jovan dikhlja sar o Carstvo soj ko nebo ka pobedinel e Satana hem ka čhivel krajo leskere vladibaske. O Jovan dikhlja e Isuse sar Cari, hem e 144.000 caren so ka vladinen zaedno lea. Isto agjaar, o Jovan dikhlja kaj i Phuv uli raj hem kaj sa o manuša služinena e Jehovaske ki sloga hem ko mir.