Uvod

O lil Bibliska stihija so pomožinena amen ko životo ka pomožinel tut polokhe te arakhe bibliska stihija hem izveštaija so ka pomožinen tut te ikljove ko krajo e problemencar so isi tut. Isto agjaar ka pomožinel tut te arakhe baš adala stihija so valjani te šaj te ohrabrine e javeren hem te pomožine len te anen odluke so ka anen čest e Jehovaske. Birin i tema so interesinela tut hem athe šaj te arakhe interesna pučiba hem kratka objasnuvanja bašo bibliska izveštaija. (Dikh i ramka „Sar te koristine akava lil“.) Ko akava lil šaj te arakhe sovetija hem uteha tari Biblija. Isto agjaar ka šaj te arakhe korisna načelija tari Biblija kolencar so ka šaj te pomožine hem te ohrabrine e javeren.

Sar te koristine akava lil

Te šaj te arakhe nesavi tema, pišin adava so mangea te arakhe ko delo „Rode“ ili šaj te rode sprema i glavno tema. O lil Bibliska stihija so pomožinena amen ko životo tano delimo ko efta glavna teme: Duhovnost, Osobine, Predizvikija, Sekojdnevno životo, Sobranie, Familija hem Šukar hem lošna postapke. Najverojatno ka arakhe i tema so rodea ko jekh taro akala glavna teme. Birin jekh taro akala glavna teme hem arakh i tema koja so rodea. Ama, ako na džanea koja glavno tema te birine te šaj te arakhe adava so rodea, šaj te dža ko Sa te šaj te dikhe sa o teme so arakhljona ko akava lil hem te birine adaja so valjani tuke. Ki sekoja tema ka dikhe kaj isi rečenice kola soj pokale. Nesave lendar tane kerde sar pučiba. Keda ka čitine o stihija šukar razmislin sar ola tane povrzime e rečenicaja ili sar odgovorinena ko pučibe. Nesave teme tane delime ko podnaslovija te šaj posigate te arakhe adava so rodea. Ponekogaš ko delo „Dikh hem“ isi javera da stihija. Ki lende isi misle kola soj povrzime e temaja. But puti ko teme isto agjaar ka arakhe „Biblisko izveštaj“ ili „Bibliska izveštaija“. Adathe šaj te arakhe rečenice kola so kratko objasninena i glavno cel e stihongiri. Otkeda ka čitine o stiho, čitin i rečenica koja so ka pomožinel tuke te razmisline bašo stiho.

Ko akava lil, nane čhivde sa o stihija soj povrzime jekhe temaja. Kerdo tano agjaar te šaj te arakhe o stihija so najviše ka koristinen tuke, ama ako mangea pohor te istražine šaj te koristine javera alatke istražibaske (Iz 2:1-6). Te šaj te istražine pohor, koristin o margine tari Biblija — prevod Nevo sveto hem o beleške kote so isi poviše informacie bašo nesavo stiho (na primer akala beleške ko angliski vikinena pe study notes), ako tane dostapna ki nesavi čhib so haljovea la. Koristin o Priračniko istražibaske e Jehovaskere svedokongoro ili o Indeks bašo publikacie taro e Jehovaskere svedokija te šaj pošukar te haljove so značinena o stihija.

O lil Bibliska stihija so pomožinena amen ko životo neka pomožinel tut te doznajne i mudrost, o džandipe hem o haljojbe so isi ki Biblija. Džikote koristinea akaja publikacija ka ove panda pouverimo kaj „e Devleskoro lafi tano dživdo hem silno“ (Ev 4:12).