Ov hrabro

So kergja o Isus?

VIDEOKLIPI: O Isus propovedinela e Zakheeske

1. Dikh o VIDEOKLIPI ili čitin Luka 19:1-7. Palo adava razmislin bašo akala pučiba:

1. a) Soske šaj nesave manuša izbeginena sine e Zakhee?

2. b) Iako o javera izbeginena sine e Zakhee, soske o Isus vakergja leske o šukar haberi?

So sikljovaja taro Isus?

2. Valjani amenge hrabrost te šaj te propovedina sekole jekheske.

Dža palo e Isuseskoro primer

3. Neka ovel tut doverba ko Jehova. Isto sar so e Devleskoro duho dengja sila e Isuse šaj tuke da te del (Mat. 10:19, 20; Luka 4:18). Molin e Jehova te del tut hrabrost te propovedine adalenge so daraja lendar (Apo. 4:29).

4. Ma te ovel tut predrasude sprema o manuša. Šaj nekaskoro izgled, o način sar živinela, o bukja kolende so verujnela, ili dali tano barvalo ili čorolo, kerela te mislina amen dali te propovedina leske. Ama ma bistre:

1. a) Samo o Jehova hem o Isus šaj te dikhen so isi ko e manušeskoro vilo.

2. b) O Jehova šaj te pomožinel sekole manušeske.

5. Ov hrabro, ama isto agjaar taktično hem pretpazlivo (Mat. 10:16). Ma akoš tut. Ko šukar način završin o razgovor e manušea ako na mangela te šunel o šukar haberi ili ako mislinea kaj na sian bezbedno athe (Izr. 17:14).