Amari prednost te gradina hem te održina o thana kote so obožavinaja e Devle

Te šaj te gradinel pe sine o hrami ko Izrael, valjani sine but buti hem materijalna sredstvija. Ama, o Izraelcija revno kergje adava (1Le 29:2-9; 2Le 6:7, 8). Keda završingje o hrami, adalea sar održinena le sine, o Izraelcija sikavgje savi tani lengiri duhovno sostojba (2Ca 22:3-6; 2Le 28:24; 29:3). Avdive da o hristijanja trošinena but vreme hem sila te gradinen, te čistinen hem te održinen o dvorane hem o Kongresna sale. Amenge tano prednost ko asavko način te kera buti zaedno e Jehovaja, hem adava tano delo tari amari sveto služba (Ps 127:1; Ot 7:15).

SO ŠAJ TE KERA AMEN:

• 

  Te čistina palo sekova sostanok. Ako bašo nesave okolnostija našti keraja adava, tegani ka ovel šukar te mukha čisto o than kote so bešlem.

• 

  Te pomožina keda redovno čistinela pe i dvorana hem keda održinela pe. Keda isi pobuter džene i buti posigate ka završinel pe (lv 92-93, 18 pas.)

• 

  Te da dobrovolna prilogija. O Jehova tano bahtalo čak keda amaro prilog tano but tikno, ama keda daja le taro vilo (Mr 12:41-44).

• 

  Te pomožina keda gradinena pe hem renovirinena pe o teokratska objektija, kozom so mukhena amare okolnostija. Bašo adava na valjani te ovel amen iskustvo gradibaske.