5-11 AVGUST

BARVALIPA TARO E DEVLESKORO LAFI

1. Vaker e sledno generacijake baši e Jehovaskiri sila

(10 min.)

Keda sine terno, o David dikhlja sar o Jehova zaštitinela le (Ps 71:5; w99-MC 1/9 18, pas. 17)

Keda sine phuro, o David dikhlja sar o Jehova pomožinela le (Ps 71:9; g05-MC 8/1 23, pas. 3)

O David ohrabrinela sine e ternen adalea so vakerela sine ple iskustvija (Ps 71:17, 18; w14-MC 15/1 23, pas. 4-5)

I familija primeninela o delo „Važna bukja baši Familijarno rat“ taro sostanok so nakhlja. Ola kaningje pophure bračno pare ki Familijarno rat hem uživinena džikote ola sikavena lenge slike hem vakeren iskustvija.

PUČ TUT: „Kole phrale ili phenja taro sobranie, so služinela but vreme e Jehovaske, mangava te kaninav ki Familijarno rat hem te pučav len baši lengiri služba?“

2. Duhovna biserija

(10 min.)

Ps 72:8 — Sar o vetuvanje so o Jehova dengja e Avraameske kova soj pišimo ki 1. Mojseeva 15:18 ispolningja pe džikote vladingja o cari o Solomon? (it-1-E 768)

Tlo odgovor
Kola duhovna biserija taro čitibe i Biblija akale kurkeske mangea te vakere len?

Tlo odgovor

3. Čitibe i Biblija

(4 min.) Ps 71:1-24 (th lekcija 5)

DE TUTAR SA KI SLUŽBA

4. Te počmina razgovorija

(3 min.) TARO KHER KO KHER. Keda o manuš počminela te akošel pe tuja, završin o razgovor ko pozitivno način. (lmd lekcija 4: točka 5)

5. Te kera povtorna posete

(4 min.) NEFORMALNO SVEDOČIBE. Prodolžin o razgovor nekasaja soj tuke familija kova so mislinela pe dali te proučinel i Biblija. (lmd lekcija 8: točka 4)

6. Objasnin tle veruvanja

(5 min.) Govor. ijwfq 49-MC — Tema: Soske e Jehovaskere svedokija meningje nesave ple veruvanja? (th lekcija 17)

TE ŽIVINA SAR HRISTIJANJA

7. Predlogija baši Familijarno rat

(15 min.) Diskusija.

I isto familija tergjona hem vežbinena o teokratska gilja.

I familija dikhela emisija taro Broadcasting.

Jekh taro čhaja vežbinela pe dajaja ki familijarno rat sar te odgovorinel nekaske.

I Familijarno rat tani važno soske agjaar o čhave šaj te oven sikavde taro Jehova hem te sikljoven „te razmislinen sar leste“ (Ef 6:4). Iako bašo adava valjani trudo, sepak i Familijarno rat šaj te ovel interesno, posebno džikote bajrola e čhavengiri želba te džanen poviše bašo čačipa tari Biblija (Jvn 6:27; 1Pe 2:2). Vaker nesave bukja tari ramka „Predlogija baši Familijarno rat“ kolate so isi predlogija so šaj te pomožinen e roditelenge te keren i Familijarno rat te ovel interesno hem te sikljol pe latar. Palo adava, puč akala pučiba:

Kola predlogija mangea te primenine len?

Tlo odgovor
Dali arakhljan nešto javer so šaj te ovel tuke korisno?

Tlo odgovor

PREDLOGIJA BAŠI FAMILIJARNO RAT

BIBLIJA:

Ako isi, šunen audiosnimke tari Biblija so valjani te čitinel pe adava kurko, ili sarine šaj te čitinen po jekh delo ko glaso. Šaj te čitinen o izveštaj ko uloge
O poglavari ili o roditeli šaj te spreminel pučiba bašo izveštaj so valjani te čitinel pe adava kurko. Sekova jekh tari familija šaj te istražinel bašo nesavo pučibe hem ki sledno familijarno rat, angleder o sostanok, šaj te keren lafi bašo adava so arakhle
Pučen pučibe ili vakeren nesavo problemi ili pharipe kova so šaj te ovel tumen hem palo adava roden bibliska načelija so ka pomožinen tumen taro lil Bibliska stihija so pomožinena amen ko životo
Gluminen nesavo izveštaj tari Biblija
Sekova kurko keren kartičke kolende so ka ovel stihija tari Biblija, sar na primer stihija taro dodatok A ki brošura Mang e manušen — ker učenikija, palo adava sikljoven ki godi adala stihija. Proverinen dali pamtingjen o stihija taro kurke so nakhle
Proučinen nesavo delo taro lil Ov bahtalo zasekogaš
Vaker sekaske tari familija te birinel nesavi statija tari kategorija „Odgovor bašo bibliska pučiba“ koja so arakhljola ko delo BIBLISKA SIKLJOJBA ki jw.org hem palo adava te vakeren nešto baši late

SOSTANOKIJA:

Spreminen tumen bašo nesavo delo taro sostanok
Spreminen tumenge komentarija hem vežbinen len ko glaso. Pazinen kobor trajnena o komentarija
Vežbinen teokratska gilja
Keren lafi hem vežbinen so te vakeren te šaj te ohrabrinen nekas angleder ili palo sostanok
Ako nekas isi prikaz ili čitibe i Biblija neka vežbinel angli sarinende

SLUŽBA:

Spreminen tumen službake taro kher ko kher
Spreminen tumen bašo tumare povtorna posete
Zamislinen nesavi situacija kolate so šaj te svedočinen neformalno hem palo adava vežbinen sar šaj te počminen razgovor ko ljubezno način
Keren lafi bašo konkretna celija so ka pomožinen tumenge te keren poviše ki služba ko periodi tari Spomen-svečenost, ili keda sien ko odmor tari buti ili keda o čhave tane ko raspust

POTREBE E FAMILIJAKERE:

Vežbinen so šaj te keren ki situacija koja so više pojavingja pe ili koja so ka pojavinel pe, sar na primer, baši neutralnost, maltretiribe, te ovel pe nekasaja ki vrska, praznikija hem proslave
Gluminen različna situacie ko kola so o čhave ka oven sar o roditelija. O čhave valjani te istražinen nesavi tema, a palo adava te pomožinen e roditelenge te haljoven adava

JAVERA PREDLOGIJA:

Dikhen nešto taro JW Broadcasting^® hem palo adava keren lafi bašo adava
Čitinen nesavi statija ili dikhen nesavo videoklipi tari jw.org hem keren lafi bašo adava
Dikhen nešto taro kategorie „Tinejdžerija“ ili „Čhave“ kola so arakhljona ko delo BIBLISKA SIKLJOJBA ki jw.org
Razgledinen o beleške taro nesavo kongres
Dikhen i priroda hem keren lafi bašo adava so šaj te sikljoven latar bašo Jehova
Ponekogaš, kaninen nekas ki tumari Familijarno rat hem pučen le pučiba
Čhiven tumenge duhovna celija hem keren lafi sar šaj te ispolninen len
Keren nesavo proekti, sar na primer, te keren e Noeskiri arka, ili te proučinen nešto taro karte hem tabele so arakhljona ki Biblija hem ko amare publikacie

Mukh o VIDEOKLIPI Sar te keren pošukar i Familijarno rat. Palo adava puč:

So šaj te kerel jekh rom te šaj leskiri romni te uživinel ki Familijarno rat keda ki familija nane čhave?

Tlo odgovor

8. Sobranisko proučibe i Biblija

(30 min.) bt-MC pogl. 13, pas. 17-24