Hor proučin te šaj te ačhove duhovno džangavdo

Čitin Daniel 9:1-19 te šaj te doznajne soske tano važno hor te proučine.

Doznajn poviše taro kontekst. Kola nastanija slučingje pe angleder hem sar ola vlijajngje upro Daniel? (Dan. 5:29 — 6:5). Sar bi osetinea tut sine te ove ko e Danieleskoro than?

Istražin o detalija. Kola lila šaj proučingja o Daniel? (Dan. 9:2; w11-MC 1/1 22, pas. 2). Soske o Daniel priznajngja ple grevija hem o grevija e javere Izraelcongere? (3. Moj. 26:39-42; 1. Car. 8:46-50; dp-MC 182-184). Sar e Danieleskiri molitva sikavela kaj ov hor proučinela sine e Devleskoro Lafi? (Dan. 9:11-13).

Razmislin bašo pouke. Puč tut:

• „Sar šaj te na dozvolinav o nastanija so ovena ko sveto te len mlo vnimanie?“ (Mih. 7:7)

• „Savi korist ka ovel man taro adava so hor ka proučinav e Devleskoro Lafi isto sar so kergja o Daniel?“ (w04-MC 1/8 12, pas. 17)

• „Kola teme bašo lično proučibe šaj te pomožinen tuke te ačhove duhovno džangavdo?“ (Mat. 24:42, 44; w12-MC 15/8 5, pas. 7-8)