Sar te pamtine o stihija polokhe

Dali nekogaš sine tuke pharo te setine tut ko nesavo omileno biblisko stiho? Šaj tano stiho so dela tut uteha, pomožinela tuke te borine tut pogrešna mislencar, ili palem mangea te vakere le e javerenge (Ps. 119:11, 111). O sledna predlogija šaj te pomožinen tuke polokhe te pamtine stihija.

• Koristin i opcija „Teme“ ki aplikacija JW Li­brary^®. Ker tuke tema „Omilena stihija“ hem athe garav o stihija so mangea te pamtine len.

• Pišin o stiho ko than kote so šaj te dikhe le. O stiho so mangea te pamtine le, pišin le ko jekh lil hem čhiv le negde kote so šaj često te dikhe le. Nesave čhivena le ki ajna, a javera ko udar taro frižideri. Nesave palem čhivena slika taro stiho sar pozadina ko plo kompjuteri ili telefoni.

• Ker tuke kartička sikljojbaske stihija. Ki jekh strana pišin o biblisko lil, o poglavje hem o stiho, a tari javer strana pišin o lafija taro adava stiho. Palo adava, koristin i kartička te šaj te probine te citirine o stiho ili te setine tut kote arakhljola ki Biblija ili skenirin o kodi.