4 LEKCIJA

Ker ispravno uvod bašo stihija

Mat. 22:41-45

SO TE KERE: Pottiknin interes bašo biblisko stiho so mangea te čitine le.

Razmislin soske čitinea o stiho. O uvod so ka vakere le bašo stiho valjani te pomožinel e manušenge te haljoven koja misla mangea te istaknine taro stiho.

Razmislin bašo kontekst. Ako mangea te vakere koj pišingja adava biblisko lil ili koj vakergja adala lafija taro stiho, pazin te na vakere nešto so nane točno.
Sekogaš koristin i Biblija keda sikavea. Keda kerea lafi manušencar kola so verujnena ko Devel, vaker lenge kaj adava so ka čitine tano taro e Devleskoro Lafi. Adalea ka pomožine lenge te haljoven kaj adava so sikavea avela taro Devel kova soj najmudro.
Pottiknin interes bašo biblisko stiho. Puč pučibe koleske so o stiho dela odgovor ili vaker nesavo problemi bašo kova so o stiho dela rešenie. Isto agjaar, šaj te vakere načelo kova so o manuša pošukar ka haljoven le keda ka čitine o biblisko izveštaj.

Razmislin kola bukja o manuša džanena baši tema kolake so kerea lafi hem bašo stihija so mangea te čitine len. Čak keda valjani te čitine stihija kola soj lenge pendžarde, angleder vaker nešto so ka pomožinel e manušenge te haljoven nesavo detali pošukar ili ko nevo način.