Koristin tlo „duhovno poklon“

Sarine amen ceninaja o ohrabruvanje so dobinaja keda siem zaedno amare phralencar hem phenjencar. Ama, te šaj te ohrabrina amen maškar amende, nane dovolno samo te nakha vreme zaedno. Ki Biblija baši sposobnost te ohrabrina amen jekh jekhea vakerela pe kaj tani „duhovno poklon“ (Rim. 1:11, 12). Sar šaj celosno te koristina akava poklon?

Ohrabrin e javeren šukar birime lafencar. Na primer, keda komentirinaja ko amare sostanokija o vnimanie na valjani te ovel ki amende, nego ko Jehova, ko leskoro Lafi hem ko leskoro narodo. Keda siem amare phralencar hem phenjencar šaj te birina te kera lafi bašo bukja kola so ka keren pozorali lengiri vera.

Ohrabrin e javeren tle odlukencar hem postapkencar. Na primer, o javera šaj te dikhen kaj odlučingjan te ačhove ki polnovremeno služba iako isi tut pharipa. Ili šaj dikhena kaj redovno sian ko sostanok Amaro životo hem služba iako sian umorno tari naporno buti ili isi tut problemija sastipaja.

Dali ohrabrinea e phralen hem e phenjen tle odlukencar ili postapkencar? Hem dali dikhea sar ola ohrabrinena tut ple duhovno poklonea?