Dali o Devel palem ka uništinel e bilačhe manušen?

22 O mauša avdive tane but bilačhe. Kola lošna bukja ola kjerena akate?

23 Mudarena javere manušen. O Devel vakjergja kaj nasminjaja te mudara (2. Mojseeva 20:13; 1. Jovanovo 3:11, 12).

24 Disave čorena. O Devel vakjergja kaj nasminjeja te čore (2. Mojseeva 20:15; Efešanite 4:28).

25 Ko disave phuvja, disave manuša lenapeske bute romnjen. A javera isilen romni ama kamenape bute džuvljencar. A isi disave so dživdinena zaedno sar rom hem romni, a bivenčime. I Biblija vakjerela kaj sa akava tano pogrešno (Matej  19:4-6; 1. Korinkjanite 7:1-4; 1. Timotej 3:1, 2).

26 Dali šaj te setinetu kaj o Devel dingja e Adameske samo jek romni? (1. Mojseeva 2:22, 24).

27 Disave obožavinena idolija, slike thaj krsto. O Devel vakjergja kjeda obožavinajale kaj nasminjaja te koristina slike thaj idolija (2. Mojseeva 20:4, 5; Isaija 44:9-17; 1. Jovanovo 5:21).

28 O Jehova ka uništinel sa e bilačhen kola so nae te promeninepe (Psalm 37:9, 10; Luka 13:5; 1. Korinkjanite 6:9, 10).