So valjani te kjere?
50 Mangea li večno te dživdine ko odova but šužo raj?
Tegani sikjov pobuter bašo odova so o Devel vakjerela. Sikljov te čitine i Biblija (Jovan 17:3; Otkrovenie 1:3).
51 Sikljov pobuter bašo Isus (5. Mojseeva 18:18, 19; Jovan 3:16; Dela 3:19-23).
52 De tutar sa te kjere samo šukar bukja hem te šune e Jehova (Rimjanite 6:17, 18, 22).
53 Mabistre, o Jehova vakjergja kaj nasminjaja te mudara e manušen (2. Mojseeva 20:13; 1. Jovanovo 3:11, 12).
54 Nasminjaja te la disave bukja so nae amare (2. Mojseeva 20:15; Efešanite 4:28).
55 Jek rom nasminjela te dživdinel zaedno hem te sovel disave džuvljaja ako oj nae leskiri venčimi romni (2. Mojseeva 20:14, 17; 1. Solunjanite 4:3).
56 Dali setinea tu kobor romnja o Devel dingja e Adameske? Dži kjeda valjani o rom te ačhol pe romnjaja? (1. Mojseeva 2:22, 24; Matej 19:5, 6; 1. Korinkjanite 7:2, 10, 11).
57 Mabistre kaj amen mora samo e Jehovaske te služina (Matej 4:10; 1. Korinkjanite 8:6).
58 O idolija thaj o slike našti te pomožinentu. Soske? (1. Korinkjanite 8:4).
Dali tano šukar te oven amen idolija? (5. Mojseeva 27:15; 1. Jovanovo 5:21).
59 Soske nae šukar te oven amen amajlije ili bukja so kjerenape lencar magie? (5. Mojseeva 18:10-13; Otkrovenie 21:8).
60 O bilačhe angjelija ili o demonija buningjepe protiv o Devel. Ola koristinena manušen so dikhena ko fali te šaj te hovavena javerende (Dela 16:16).
61 Amen mora te molina amen e Devleske. I molitva značinela, te kjere lafi e Devleja, te vakjere kaj mangea te služine o leske thaj te rode te pomožineltu (Filipjanite 4:6, 7).
62 Mora te šuna e Isuse hem te verunja ki o leste (Evreite 5:9; Jovan 3:16).
63 Mabistre kaj ov mulo te spasinel amen (Rimjanite 5:8).
64 Mabistre kaj o Isus tano amaro cari ko nebo. Valjani te šunale (Filipjanite 2:9-11; Otkrovenie 19:16).
65 O Isus vakjergja kaj valjani javerengje te vakjere bašo o šukar bukja so sikjovea, a okola so mangena te služinen e Devleske valjani te krstinenpe ko pani (Matej 28:19, 20; Jovan 4:7-15).
66 Znači, tu šaj te vakjere te amalenge bašo akala šukar bukja (Matej 10:32).
67 Ako sikliljan pošukar te čitine, tu šaj te sikljove but bukja, hem ka šaj pošukar te pomožine javerenge (2. Timotej 2:15).
68 O Isus isto agjaar sikavgja e tikne čhaven te šunen e Devle. Ov sekogaš sine le vakti te kerel lencar lafi (Matej 19:13-15).
69 O roditelija valjani sakoputi te sikaven pe čhaven te šunen e Devle hem te mangenle (5. Mojseeva 6:6, 7; Izreki 6:20-22; Efešanite 6:4).
70 Isi but različna religije. But bukja so sikavena nae tari Biblija. O Jehova vakjerela amenge te mukha i religija koja so na sikavela o čačipe (Otkrovenie 18:4; Jovan 4:23, 24).
71 E Jehova isi le manuša ki Phuv so šaj pobuter te sikaventu baši leste. Džanea li koj tane ola? (Dela 15:14; Rimjanite 10:14, 15).
72 Odola tane e Jehovaskere svedokija. Maškari lende isi len mir. Džaneali soske? Odoleske so ola mangenape (Isaija 43:10-12; Jovan 13:34, 35).
73 Odoleske so mangena e Jehova, ola krstinenape ko pani. Agjaar ola sikavena sarinenge kaj mukhle o lošno drumo hem kaj mangena te služinen e Jehovaske sa džikote tane dživde (Dela 2:41).
74E Jehovaskere svedokija nadinenape te oven ko jek but šužo raj, ki Phuv (Psalm 37:9-11, 29).
So šaj te kjere te ove lencar? (Jakov 1:22, 25; 2:20-26).
75 Poodorig sikljov te služine e Devleske, e Jehovaskere svedokoncar. Ola šunena e Jehova thaj e Isuse odoleske so mangena len. Dali tuda mangealen? Mangea li te pomožine o javerada te džanen bašo Jehova? (Jovan 6:45-47).
76 O Jehova thaj o Isus Hrist mangenatu thaj mangena te dživdine večno ko raj (Jovan 3:16).
Otkjeda dikhljan o slike hem sikliljan sa akala bukja tari akaja brošura, sigurno tuda mangea večno te dživdine ki Phuv. Ako mangea pobuter te džane, puč disave taro e Jehovaskere svedokija. Ili, tu šaj te pišine, ja nekoj javer te pišinel tuke, dži ki lengiri najpaše kancalarija. O adrese tane ki dujto stranica tari akaja brošura.