Lekcija 11

Nauke thaj tradicie so nae e Devleske ki volja

Kola nauke hem tradicije tane pogrešna? (1)

Valjani li e Isuseskere učenikija te verunjen ko trojstvo? (2)

Soske e Isuseskere učenikija na slavinena Božiko, Veligdani ja bijando dive? (3, 4)

Šaj li o mule te kjeren disavo lošnipe e dživdengje? (5)

Mulo li o Isus ko krsto? (6)

Kobor i važno te kjera e Devleskiri volja? (7)

1. Sa o nauke thaj o tradicije nae pogrešna. Ama o Devel na mangela okola so i tane tari hovavni religija ja ako tane protiv e Devleskoro lafi (Matej 15:6).

2. Trojstvo: Dali o Jehova tano trojstvo — trin džene ko jek Devel? Na! O Jehova tano o Dat, ov tano pravo Devel (Jovan 17:3; Marko 12:29). O Isus tano leskoro prvobijando Čhavo, hem ov tano podložno e Devleske (1. Korinkjanite 11:3). O Dat tano pobaro e Čhavestar (Jovan 14:28). O Sveti duh nae Devel, odoja tani e Devleskiri sila so kjerela laja sa (1. Mojseeva 1:2; Dela 2:18).

3. Božiko, Nevo Berš hem Veligdani: O Isus ­nabijandilo ko 25 dekem­vri ja 7 ja­nuar. Ov bijandilo negde 1 oktomvri, odo­va sine vakti kjeda o ovčarija arakhena sine pumare bakhren avri (Luka ­2:8-12). O Isus nikjeda na zapovedingja pe učenikonge te slavinen o dive kjeda bijandilo. Ov vakjergja te slavinen ja te setinenpe ko ­leskoro meribe (Luka 22:19, 20). O Božiko hem e neveberšeskere adetija avena taro purane hovavne religije. Isto agjaar, o adetija e veligdaneskere — mostibe jare. Sar o prva, agjaar o avdisutne učenikija e Isuseskere na slavinena ni Božiko ni Veligdani.

4. Bijando dive: I Biblija vakjerela samo bašo duj bijande dive so sla­vin­gje o manuša so na obožavinena sine e Jehova (1. Mojseeva 40:20-22; Marko 6:21, 22, 24-27). E Isuseskere prva učenikija na slavingje bijando dive. Odova slavibe avela taro purane hovavne religije. E Isuseskere učenikija na adžikerena disavo dive te den poklonja ja te družinenpe, ola kjerena odova kjeda god mangena.

5. Dar taro mule: O mule ništo našti te kjeren a ni te osetinen. Amen našti te pomožinalen, a ola našti te kjeren amengje lošnipe (Psalmi 146:4; Propovednik 9:5, 10). I duša merela; oj na dživdinela nigde javerte palo meribe (Ezekiel 18:4). Ama podisavo puti, o lošno angelija, o demonija, preprainenape kaj tane o duhija e mulengjere. Sa o adetija so kjerenape bašo mule tane pogrešna (Isaija 8:19).

6. Krsto: O Isus na mulo ko krsto. Ov mulo ko kaš ja direko. O grčko lafi, so ko but Biblije prevedimo sar krsto, značinela jek kotor kaš. O krsto avela taro purane hovavne religije. O krsto na sine kulandimo thaj obožavimo taro o prva učenikija e Isuseskere. Palo sa akava, mislinea li kaj valjani te kulandine o krsto? (5. Mojseeva 7:26; 1. Korinkjanite 10:14).

7. Šaj ka ovel but pharo te mukhe disave taro akala na­uke hem tradicije. I familija hem o amala šaj ka mangen te ubedinentu te na smenine tlo verujbe. Ama, považno tano te kjera odova so rodela o Devel a na o manuša (Izreki 29:25; Matej 10:36, 37).

[Picture on page 22]

O Devel nae trojstvo

[Picture on page 23]

O Božiko, Veligdani hem o Nevo berš avena taro hovavne religije

[Picture on page 23]

Valjani li te kjere o adetija e mulengje?