O Devel tano najšukar amal so šaj te oveltu

Te ove paše e Devleja tani najšukar buti. O Devel sikavelatu sar te ove bahtalo hem sigurno; ka oslobodineltu taro but pogrešna veruvanja hem štetne navike. Ov šunela tle molitve. Ka pomožinel te oveltu duševno mir hem doverba (Psalm 71:5; 73:28). Ka pomožineltu tegani kjeda ka ovel tuke pharo (Psalm 18:18). O Devel delatu večno dživdipe sar poklon o Lestar (Rimjanite 6:23).

Sa džikote ovea paše e Devleja ka ove paše e Devleskere amalencar. Ola ka oven tle da amala. Ka oven tuke sar phralja hem phenja. Ka radunjenpe so ka sikaventu bašo Devel, ka pomožinentu thaj ka ohrabrinentu.

Amen na sijem ista sar o Devel. Džikote rodea te ove paše e Devleja, mora te haljove jek but važno buti. Te ove paše e Devleja nae isto sar so sijan paše jekhe amaleja. Ov tano but pophuro, pomudro thaj pomokjno amendar. Isile pravo te ovel amaro Vladeteli. Odoleske, ako mangaja te ova lea popaše, mora te šunale thaj te kjera sa so vakjerela Ov. A odova ka ovel sekogaš amare šukaripaske (Isaija 48:18).