Šunela li amen o Jehova?

O Devel šunela amare molitve (1. Petrovo 3:12)

O Jehova ,šunela o molitve‘ (Psalm 65:2). Ov mangela te kera lea lafi taro vilo.

Molin tut e Jehovaske hem nikaske javereske.

Šaj te molina amen bašo but bukja (1. Jovanovo 5:14)

Molin tut e Devleskiri volja te kerel pe ko nebo hem ki phuv.

Molin tut e Isuseske ko anav te sikave kaj ceninea adava so ov kergja tuke.

Rode e Jehovastar te pomožinel tut te kere adava soj šukar. Isto agjaar šaj te moline tut te ovel tut hajbaske, buti, than kote so ka živine, urajbaske hem sastipe.