Sar šaj te ovel amen bahtali familija?

SO VAKERELA I BIBLIJA

„Bahtale tane okola so šunena e Devleskoro lafi hem ikerena le!“ (Luka 11:28).

SO ZNAČINELA AKAVA TUKE

Ka ovel tu mangipe (Efešanite 5:28, 29).

Ka ovel tu sajgija (Efešanite 5:33).

Ka osetine tu sigurno (Marko 10:6-9).

ŠAJ LI TE VERUNJA E BIBLIJAKE?

Oja, najhari taro duj pričine:

• O Devel kergja o familijarno dživdipe. I Biblija vakerela kaj i familija postonjela soske o Jehova kergja la (Efešanite 3:14, 15). Soske tano važno te džana akava?

  Razmislin bašo akava primer: Šaj haljan jekh šužo habe hem mangea te džane sar tano kerdo. Kas ka puče bašo adava? Džangjola pe, okole so kergja le.

  Agjaar, te manglem te džana sar šaj te ovel amen bahtali familija, valjani te puča e Jehova, soske ov kergja la (1. Mojseeva 2:18-24).

• O Devel grižinela pe tuke. Šukar tano o familie te roden sovet taro Jehova kova so arakhljola ki Biblija. Soske? „Soske ov grižinela pe tumenge“ (1. Petrovo 5:6, 7). O Jehova taro vilo mangela te pomožinel tuke hem leskere sovetija sekogaš pomožinena! (Izreki 3:5, 6; Isaija 48:17, 18).