E Devleskere čudesna delija

1. Jehova Devla tu džanea

ked pašljovava ked uštava me.

Dikhea hor me misle hem me želbe

so ka phenav tu več džanea

angleder.

Ked panda nikoj na dikhlja man,

tu svako kokalo mandar gejngjan.

Sar počmingja mlo životo džanea.

Vilestar Devla tute me

ka falinav!

Tli mudrost but bari tani Jehova,

me čudinava man dive hem rat.

Čak i kali phuv man te učharel man,

ka arakhe man sigurno sium.

Nane ni jekh buti ni jekh than

soj tle jakhendar Devla garavde.

Ni teli phuv, ni najupre ko nebo,

ni hor pani man tutar na

ka garavel.