„Tli volja ka kera“

1. Sa so kergja o Jehova

ko nebo hem ki phuv,

kergja le ple vastencar ov

hem životo dengja.

Sa so kergja sikavela

ole te falina,

ko sa leste verno te šuna

hem leske te služina.

2. O Isus ked krstingja pe

ov spremno sikavgja,

i volja ple Dadeskiri

vilestar ka kerel.

Upral phengja o Jehova:

„Tu mo Čhavo sian“.

O Isus oleske služingja,

ko sa leste ov šungja.

3. Ake siem angli tute

Jehova bahtale

hem tuke vetinaja

kaj tli volja ka kera.

Dengjan amenge tu žrtva

tle najmangle Čhave,

amen tuke verna ka ova,

ko sa tute ka šuna.